«Біз таза елорданы қолдаймыз!» 
 

        Сенбілікке 5-11 сыныптар бойынша  840 мектеп оқушысы шықты. Көңілді музыка әуенімен мектеп ауласына жиналған оқушылар «Таза аула – мектеп мақтанышы», «Біз таза қаланы қолдаймыз!», «Тазалық - денсаулық», «Аялдамаларда, саябақтарда  өзімізді мәдениетті ұстап,  жан- жағымызды ластамайық», «Қоғамдық көлікте өзімізді дұрыс ұстайық!», «Астанамыздың көркі – өз қолымызда!», «Мектебім – менің мақтанышым!» ұран сөздерімен сенбілікке сынып болып үлес қосатындықтарын  мақтанышпен жеткізді. «Өзін –өзі басқару» ұйымының «Салауат» бағытының көшбасшысы  Қайдар Әділ оқушылармен ширату жаттығуларын жасатты. Мектеп директоры  Ұ.Байтасова оқушыларға тазалық – Астана мәдениетінің негізі болатындығын түсіндіріп, сенбілікке тілектестік білдірді.

         Оқушылар  белгіленген учаскелерде  ағаш түптерін қопсытып, әктеу, сыпыру, қоқыстарды шығару жұмыстарымен айналысты. 50 түп тал отырғызылды. Сенбілік барысында көтеріңкі көңіл-күймен,  жоғары белсенділікпен ат салысты.

          Сенбілікті   мектеп әкімшілігі жанынан құрылған комиссия қорытындылады. Жақсы жұмыс атқарған сыныптарға алғыс айтылды.

                                             
                                             
                                             
                                             
                                             
                                             
                                             
                                             
                                                                                                                                                                                                               
                                                                                                                                                                                                         24 сәуір 2018 жыл